“Carol” “The Price of Salt” – Patricia Highsmith

1952

ဇာတ်လမ်းကိုညွှန်းမှာထက် စာအုပ်ဖြစ်လာပုံရယ် စာရေးဆရာမ ဖြတ်သန်းခဲ့ရပုံတချို့ရယ်
ကိုပြောချင်တယ်။

Lesbian အနုပညာအကြောင်းပြောကြရင် Cate Blanchett ရဲ့ Carol ဇာတ်ကားက မပါမဖြစ်ပေါ့။ ဒီစာအုပ်က အဲဒီ Carol ဇာတ်ကားရဲ့ မူလဝတ္ထု။ The Price of Salt တဲ့။

ရေးတဲ့သူ Patricia Highsmith က ဒီဝတ္ထုရေးချိန်မှာ ရှေ့တစ်အုပ်ကတော်တော်အောင်မြင်ပြီး
သား။ ဒါပေမဲ့ ဒီဇာတ်လမ်းကိုပြတော့ ထုတ်ဝေ
သူက ငြင်းပယ်ခဲ့လို့ စာအုပ်တိုက်အသေးလေးနဲ့
တခြားကလောင်နာမည်နဲ့ ထုတ်ခဲ့ရတယ်။ အကြောင်းက အမျိုးသမီးနှစ်ယောက်ကြားက အချစ်ဇာတ်လမ်း ဖြစ်နေလို့။ ၁၉၅၂ လိုကာလ
ဆိုတော့ ထုတ်ဝေသူငြင်းပယ်ခဲ့တာ မဆန်းပေမဲ့
ဒီစာအုပ်က အမေရိကန်မှာတင်ကို အုပ် တစ်သန်းလောက်ရောင်းလိုက်ရတယ်။

အခု ကိုယ့်လက်ထဲကဗားရှင်းမှာ အမှာစာရေးပေးထားတဲ့သူက ဘာပြောလဲဆိုတော့ “Carol က Lesbian ဝတ္ထုတွေထဲ ပထမဆုံးသော ပျော်ရွှင်ဖွယ်ဇာတ်သိမ်းနဲ့လို့ လူအများစုနဲ့ စာရေးသူ
Highsmith ကိုယ်တိုင်ကညွှန်းဆိုခဲ့တယ်။ တကယ်တော့ Carol ပေးဆပ်ခဲ့ရတာတွေနဲ့ယှဉ်
ရင် ဒီအမြင်က အများကြီးရိုးရှင်းလွန်းနေတယ်။ Carol ရဲ့ တကယ့်အမှတ်သညာအမှန်ကတော့
ဒီစာအုပ်က ကိုယ့်ကိုယ်ကိုယ်အဆုံးစီရင်ခြင်း၊ စိတ်ကုန်စိတ်ပျက်စရာကောင်းခြင်း ဒါမှမဟုတ်
အမျိုးသားကောင်းတစ်ယောက်ရဲ့ချစ်ပေးမှု ကြောင့် သက်သာရာရခြင်းတို့နဲ့ အဆုံးမသတ်သွားတဲ့ အမျိုးသမီးတွေချစ်ခြင်းကို ပထမဆုံး အလေးအနက်ပုံဖော်ထားတဲ့ စာပေလက်ရာ
တစ်ခုပဲ” တဲ့။

အဲဒီခေတ်တစ်ဝိုက်မှာ Lesbian ဇာတ်လမ်းတွေ ထွက်ခဲ့ပေမဲ့ Mental illness တစ်ခုခုနဲ့တွဲဖက်
ထားတာတွေများနေခဲ့ပြီး ဒီဇာတ်လမ်းကတော့
ရင်ခုန်ကြည်နူးဖွယ်ဖြစ်နေခဲ့တာက ထူးခြားမှုပါပဲ။

Patricia Highsmiths ကိုယ်တိုင်ရေးပေးထားတဲ့
Afterword မှာတော့ Carol ရဲ့ပုံရိပ်ကို သူဘယ်
ကရခဲ့လဲ ဆိုတာလေးပါတယ်။ သူလည်း ဇာတ်လမ်းထဲက Therese လိုပဲ အရုပ်ဆိုင်ကြီး
တစ်ဆိုင်မှာ အလုပ်လုပ်နေခဲ့တာ။ တစ်နေ့တော့
သားမွေးကုတ်ဝတ်ထားတဲ့ အမျိုးသမီးတစ်ယောက် ရောက်လာပြီး အရုပ်အမှာစာတင်
ခဲ့တယ်တဲ့။ တစ်ယောက်တည်းဖြစ်နေတဲ့ အဲဒီ လှပခမ်းနားတဲ့အမျိုးသမီးကိုကြည့်ရင်း သူက မူးမေ့လဲမတတ် အတွေးတွေခေါင်းထဲရောက်
လာတယ်။ အိမ်ပြန်ရောက်တော့ ၈ မျက်နှာစာ
လောက် ဇာတ်လမ်းတစ်ပုဒ်ချရေးဖြစ်သွားတယ်တဲ့။ အဲဒါက The Price of Salt ဇာတ်လမ်း
ပါပဲ။

သူအဲဒီစာအုပ်ကို အကြောင်းအမျိုးမျိုးကြောင့်
ထပ်မထိခဲ့ပေမဲ့ သူ့ရဲ့ပထမဆုံးစာအုပ်အောင်မြင်ပြီးချိန်မှာတော့ ထုတ်ဝေသူတွေက
ဒုတိယတစ်အုပ်ရေးဖို့တိုက်တွန်းခဲ့တယ်။ ဒါပေမဲ့ သူရေးထားတဲ့ အမျိုးသမီးနှစ်ယောက် အကြောင်း ဇာတ်လမ်းကိုတော့ ထုတ်ဝေသူက ငြင်းပယ်ခဲ့တယ်။ နာမည်ဝှက်နဲ့ထုတ်ချိန်မှာ တော့ အုပ်ရေသန်းချီပြီးရောင်းရသလို LGBT community ကနေ ဆက်သွယ်ရင်ဖွင့်လာတဲ့ စာ တွေ အပတ်တိုင်းရရှိခဲ့ပါတယ်တဲ့။

Patricia ပြောတဲ့ထဲ အကြိုက်ဆုံးတစ်ပိုဒ်ရှိတယ်။ “ကျွန်မ တံဆိပ်ကပ်ခံရတာတွေရှောင်ချင်ပါတယ်၊ အမေရိကန်ထုတ်ဝေသူတွေကတော့ အဲဒီလိုမဟုတ်ပါဘူး” တဲ့။

Lesbian အကြောင်းရေးတဲ့စာရေးဆရာမ ဆိုတဲ့
ခေါင်းစဉ်တံဆိပ်တွေကို သူပြောတာပါ။

ဘယ်လိုပဲဖြစ်ဖြစ်လေ သိပ်မကြာခင် Christmas ကာလရောက်လာတဲ့အခါ ဂန္တဝင် ဆိုတဲ့ ဇာတ်ကားတွေ ဇာတ်လမ်းတွေအကြောင်း ပြောကြရင် Carol ရဲ့ပုံပြင်က မပါမဖြစ်ပဲမလား။